رئيس التحريرأميرة عبدالله

وتمر سنين..ويزيد الحنين

وتمر سنين..ويزيد الحنين

بقلم:د.محمد علي فودة

كل الكلام…………..
قالوه الناس قبل منا
لكن مفيس احساس
يقدر يوصف مابينا…..
بعيد ع العين
لكن ساكنين قلوبنا
وتمر سنين………..
ونقول يمكن هننسى
ويزيد الحنين…………
ونتمنى حتى همسة
ونظرة عين بتقول
أبدا ما ننسى…….
فاكرين………. نظرات
كانت هى……… لغتنا
وآااهات القلوب…….
ولا حد سامعها غيرنا
وياما قال السكوت
إللى ما حد قاله……
كنت انتظرك تفوت
تمشى على نبض قلبى
ببقى فى بعدك هاموت
وبدمع عينى أخبى….
وبرمش عينى اسلم
وتفوت كالنسمة جنبى
لو كنت يوم اختار…..
هاختارك جوا حضنى
وفى ليل ……أو نهار
ما تبعد مرة عنى……..
ويمكن انهار…………..
لو تبعد ثوانى …….
وارجع…………. لحبيبى
وبشوق اضمه تانى….
ما تفكر هانساك……….
أو ممكن مرة أقسى…
أنا دايب فى هواك…..
وسنين العمر شاهدة
ياسلام لو تيجى …..
فى حلمى مرة واحدة
ترويلى حنينى………..
يمكن الشوق دا يهدى Ⓜ️

شارك برأيك وأضف تعليق

الأكثر قراءة

أحدث التعليقات

    2021 ©